மொகஞ்சதாரோ பகுதியில் சிந்து மாகாண திருவிழா- தொல்லியல் அறிஞர்கள் கடும் எதிர்ப்பு

சிந்து சமவெளி நாகரிகத்தின் அடையாளமாக திகழும் மொகஞ்சதாரோ பகுதியில், சிந்து மாகாண திருவிழா நேற்று தொடங்கியது. வரலாற்று சிறப்பு மிக்க பகுதியில் விழா நடத்துவதால், பாரம்பரிய சின்னங்களுக்கு ஆபத்து நேரிடும் என்று தொல்லியல் அறிஞர்கள் கூறியுள்ளனர்.

உலகிலேயே சிந்து சமவெளி நாகரிகம் மிகவும் பழமையானதாக கருதப்படுகிறது. 5 ஆயிரம் ஆண்டுகளுக்கு முன்பு அங்கு பல வசதிகளுடன் கூடிய கட்டிடங்களை கட்டி மனிதர்கள் வாழ்ந்துள்ளதற்கான ஆதாரங்கள் கிடைத்துள்ளன. மொகஞ்சதாரோ மற்றும் ஹரப்பா ஆகிய பகுதிகளில் மனிதர்கள் வாழ்ந்துள்ளனர். 

இந்த பகுதிகளை யுனெஸ்கோ நிறுவனம் உலக பாரம்பரிய சின்னங்களாக அறிவித்துள்ளது. இங்கு கடந்த 1922ம் ஆண்டு முதல் அகழ்வாய்வு பணிகள் நடந்து வருகின்றன. எனினும் பல்வேறு காரணங்களால் 3ல் ஒரு பகுதிதான் அகழ்வாய்வு செய்யப்பட்டுள்ளது. மேலும், மொகஞ்சதாரா பகுதியை வெள்ளம் போன்ற பேரிடர்களில் இருந்து காக்க யுனெஸ்கோ நிதியும் திரட்டியது.

வரலாற்று சிறப்பு மிக்க இந்த பகுதி இப்போது பாகிஸ்தானின் தென்கிழக்கு பகுதியில் அமைந்துள்ள சிந்து மாகாணத்தில் உள்ளது. சிந்து மாகாணத்தில் பாகிஸ்தான் மக்கள் கட்சி ஆட்சியில் உள்ளது. கட்சியின் தலைவரும் முன்னாள் அதிபர் சர்தாரி - பெனசிர் புட்டோவின் மகனுமான பிலாவல் புட்டோ சர்தாரி, மொகஞ்சதாரா பகுதியில் சிந்து திருவிழாவுக்கு ஏற்பாடு செய்தார். 

இதற்கு 45 கோடி ரூபாய் செலவில் ஏற்பாடுகள் செய்யப்பட்டு நேற்று திருவிழா திட்டமிட்டப்படி தொடங்கியது. இதற்கு தொல்லியல் அறிஞர்கள் பலர் கடும் கண்டனம் தெரிவித்துள்ளனர். Ôவிழாவுக்காக மேடைகள் உள்பட பல்வேறு கட்டமைப்புகள் மொகஞ்சதாரா பகுதியில் செய்யப்பட்டுள்ளன. இதனால் மொகஞ்சதாரோ பகுதியில் மிஞ்சியுள்ள மண்ணால் கட்டப்பட்ட கட்டிடங்கள் உள்பட வரலாற்று சின்னங்கள் அழிந்துவிடும்Õ என்று கூறி வருகின்றனர். எனினும் திட்டமிட்டப்படி விழாவை தொடங்கி வைத்தார். 

இதில் பிலாவலின் சகோதரி பக்தாவர், முன்னாள் பிரதமர்கள் யூசுப் ரசா கிலானி, ராஜா பெர்வேஸ் அஷ்ரப், எம்.பி., எம்எல்ஏ.க்கள், தூதரக அதிகாரிகள்,  வெளிநாடுகளை சேர்ந்த மீடியா பிரதிநிதிகள் உள்பட ஏராளமானோர் பங்கேற்றனர். விழாவில் பிலாவல் பேசுகையில், நமது நாட்டின் கலாசாரம், பாரம்பரியத்தை பாதுகாத்து மேம்படுத்தும் நோக்கத்தில் இந்த விழா நடத்தப்படுகிறது. இதன் மூலம் நமது பாரம்பரியத்தை நம்மால் பாதுகாக்க முடியும் என்ற செய்தியை உலக நாடுகளுக்கு தெரியப்படுத்துவோம் என்றார்.

Karachi: Mohenjo-daro in the Indus Valley civilization, will be Identified, Sindhu provincial festival started yesterday. Operating in the area at the historic, archaeological scholars have Suggested That it would be dangerous to the traditional icons. Indus Valley Civilization is Considered The most conservative in the world. Five thousand years ago With the construction of many facilities for people living evidence. Mohenjodaro and Harappa people lived in the area.